EN

FR

MK

Kara'wistakwe'ní:io

Ne Tewatiéronnion

Tewatierónnion Tsi Naètekaià:kon

Iosté:rist Niiorihò_:tens rathró:ris

Tehontiéronnions

Games

Tsi Nón:we Tenkwarihwathè:ten

NE TEWATIÉRONNION

IÁH EH TEKAHWATSIRÒ:TEN NE KÍ:KEN ONKWEHÓN:WE TSI NÍ:IOHT TSI "IOTKÀ:TE Á:IENHRE"

SHEIENTÉHRHA'N NE DEERSKINS - WAWKEETAWKEE TSI KANONSTÁ:TON NÓN:WE RATÌ:TERON NE

KÍ:KEN IOTKÀ:TE RÓN:NE KANIEN'KÉHA NA'KAHWATSIRÒ:TEN.

 

IÁH EH TEKAHWATSIRÒ:TEN TSI NÍ:IOHT TSI "IOTKÀ:TE Á:IENHRE" NE DEERSKINS. KWÁH TIÓTTE TSI NÍ:IOHT TSI RONATEWEIÉNSTON, TSI NÍ:IOHT TSI IÁH THÉ:NEN TEHONTSTERÍSTHA TÁNON TSI NÍ:IOHT

TSI ROTI'NIKONHROWÁ:NEN: NE NE KA'NÍSHERA THUNDER KWAH RASHENNOWÁ:NEN TEHATIERÓNNIONS

NE RAÓNHA, NE RÓ:NE DAWNA KWÁH IEWEIÉN:TE NE AIONTATIA'TÀ:RE'NE NÓNHKHA'K,

NE SHAKOIÈN:'A SUMMER KWÁH ATE'NIENTENHTSHEROTE'KÓ:WA (SUPERMODEL) NE AKAÓNHA TÁNON NE ROIÈN:'A PHOENIX KWÁH IONEHRÁKWAHT TSI NIHAWEIENNÒ:TENS.

 

TSI IA'THOTIRIHWAIÉN:TA'SE NE RANATAKWE'NÍ:IO TÁNON NE TEHATIIÉ:NAS NE AHONTENATÓ:WANAHTE TSI TEIONHTHENNO'ÓKSTHA, RONÓNHA KI' WAHONWATINAKERÁKWAHTE NE DEERSKINS TÁNON CHEDDARVILLE NÓN:WE IAHONWANATÓ:RI, TSI NÓN:WE RATÌ:TERON NE IA'TEHÁ:TI RONTKON'SERÁKSENS TEHONATIERÓNNIONS.

 

SÉNHA WAHONATERA'SWÁKSEN'NE TSI RASHENNOWÁ:NEN TÉKENI TEIOKAHKWÈN:TONTE OHÉN:TON Ì:RATE RAONONSHA'KÉNHA NÓN:WE IAHÓNTIEN SÓK WAHOTITÓ:KEN'SE TSI SHÉ:KON EH RÈN:TERON! TSI WAHONWATIIENTÉHRHA'NE NE TEHONNONSHANÉ:KEN MUSHBURGERS (NE SKAHWATSÍ:RAT NE IÁH TEKAIÁ:RI) Ó:NEN Í:WEHRE SÉNHA AHONTKARÓN:NI.

 

TSI RÓN:NEHRE SKÉN:NEN ENKÉNHAKE TSI NA'TEHÓNTERE NE CHEDDARVILLEHRÓ:NON ENTÀ:'ON SÉNHA ENHONTEN'NIKONHRÍ:IOSTE TÁNON SÉNHA SKÉN:NEN ENHONNONHTÓNNIONHWE NE ÍSI' NÓN:WE TSI NÍ:KON WAHÓN:NEHRE NE DEERSKINS. SHA'TEKAHWISTÍ:HEN NE IAOHETSTÁHKWEN TSI NIIOSTÉ:RIST NIENWÁ:TON.

 

NE NE SUMMER RONWA'KÈN:'A PHOENIX KWÁH RO'NIKONHROWÁ:NEN RAKSÀ:'A NE RAÓNHA. IÁH TEHONATERIÈN:TARAHKWE NE RAOHWÁ:TSIRE TSI IA'THANI'TSÓNHKWAHKWE TOHKÁRA TSI KAHIÁ:TONS (18 NORIHWIIO'ÓN:WE) TÁNON SHA'TÉ:KON SHITHÓ:IEN WA'THATÓHETSTE NE TSI IONTEWEIENSTAHKHWA'KÓ:WA. TSI Ó:NEN RÓSHON TSI RATEWEIÉNSTHA NE PHOENIX, SHÉ:KON NITHOIÉN:HA NAHOIÓ'TEN, IOTKÀ:TE RÓN:NI NE NAHÒ:TEN'K IORÌ:WASE TÁNON IOTKÀ:TE ROTSWÀ:TON KAWENNARASTHÀ:KE.

 

KWÁH RAOTINONSHÁKTA RATÌ:TERON NE MUSHBURGERS...TÓKA' NI' TSI NÍ:IOHT TSI DEERSKINS IOTKÀ:TE RONWATINA'TÓNHKHWA "NE NE ONÉSHON NITHONÉ:NON TEHONNONSHANÉ:KEN!". RONÓNHA NÉN' NÈ:'E NAONHÀ:'A TETHONATONKWE'TATIERÓNNIONS TSI NIIONHWÉNTSA. NE NE KA'NÍSHERA MORTY MUSHBURGE RAÓNHA KI' ROWEIENNAKÀ:TE NÉ'K TSI IÁH THÉ:NEN TEHAWEIÉN:TE NAHÁTIERE. THOTONHNHO'KTEHKÓ:WA, RAWEIÉN:TE NE MORTY NAHAKWATÁ:KO (SÉNHA NE TAHÀ:RIHTE) KWÁH THIKAWENNÍ:IO NAHÒ:TEN... TÉKENI TEIOKAHKWÈN:TONTE, WATERENNÓTHA, BOEING 747 TEKÁ:TENS!

 

NE NE RÓ:NE GLADYS MUSHBURGER KANÓNSHAKON IAKOIÓ'TE. TIÓ:KONTE IAKOKONSHAIÉSHON TÁNON IOTSÍSTO NE IEKAHRÀ:KE. IOTKÀ:TE NÓN:KWE Í:IENHRE TSI KWÁH TÓ:KENSKE TSI IAKOTSHENNÓN:NI, NÉ'K TSI IAKAON'WÉSKWANI NE AIEHNEKÌ:RA NE NORIHWIIO'ÓN:WE.

 

TÉKENI TEHOTIWÍ:RAIEN NE MUSHBURGERS, BUZZ TÁNON BUTTERCUP. KWÁH IÁH TETHO'NIKONHRATIHÉNTHOHT, RONEHKÓSKON RAKONSHÀ:KE, TEHOTKAHRÁHNHEN, TEHOTENAWIRÁHNHEN NE KÍ:KEN RORIHWANORON'SÈ:TSKON 16 NITHÓ:IEN BUZZ. THÓ'K NÓN:WE RATE'NIAKENHTÁHKHWA TSI IÁH TEHATTÓ:KAS NE AKWÉ:KON THÍ:KEN. KWÁH Ì:REHRE TSI THÓTTE TÁNON NAONHÀ:'A THASHENNOWÁ:NEN - Ì:REHRE TSI IÁH TEHONWASTERÍSTHA, Ì:REHRE TSI OSHERÓN:NI TSI ROTIIÉSHON.

 

NÓ:NEN ÓNHKHA ENTIONTATIÀ:TARASTE NE 6 NITIAKÓ:IEN IEKSÀ:'A NE BUTTERCUP IONTÁTIATS, ÓNHTE WÁHI TSI IÁH TETIONTATIA'TARASTHA NE K-Í:-K-E-N BUTTERCUP. NE BUZZ SHAKO'KÈN:'A BUTTERCUP KWÁH 6'2 TSI NIIEHNÉN:IES TÁNON 350 TSI NIIAKOIA'TÁKSTE. THO NIIAKONA'KHWENSHERÒ:TEN TSI NÍ:IOHT NE KANASKWÁKSEN, KWÁH IAKOTKENHRONNIÀ:TSKON IEKSA'TAKSÉNSKWA NE BUTTERCUP. IOTERONHIENHTÉN:NI OTSINÓ:WEN KHÓK TEKIATÉN:RO TÁNON AKOHNA'TAHTSHERÁ:KON IEKONWAIA'TÒ:ROKS (TÓKA' NI' ANITSKWAHRÁHNE KONWAIA'TANENTÁKTHA, TÓKA' NI' TSO'NÍSTONTE OSHARAHKWÀ:KE NÓN:WE TEIEHWÁHNHAKS NE AOTÁSHON TÓKA' NI' OSWEN'KARÀ:KE KONWAIA'TANENTÁKTHA).

 

NE KÍ:KEN TEKAHWATSÍ:RAKE TETSÁ:RON SKÁTNE RATI'NONHKÓN:NIS TSI NENKAKARO'TÉNHAKE NE KÍ:KEN IAONHETSTÁHKWEN TSI NIIOSTÉ:RIST TEWATIERÓNNION.

 

 

 

 

LINKS